zischtig_zuegli_seiten021017.gif
zischtig_zuegli_seiten021016.gif
zischtig_zuegli_seiten021015.gif
zischtig_zuegli_seiten021014.gif
zischtig_zuegli_seiten021013.jpg
zischtig_zuegli_seiten021012.jpg
zischtig_zuegli_seiten021011.jpg
Fasnecht 2012
zischtig_zuegli_seiten021010.jpg
Föteli
zischtig_zuegli_seiten021009.jpg
zischtig_zuegli_seiten021008.jpg
zrugg
uufe
zischtig_zuegli_seiten021007.gif
2012 - Die letschti Fasnecht?
 
Vo de Maya, deenen alte, isch nid vill üübrig bliibe;
nummen äis, die häi sälbmool e Kaländer gschriibe.
Jeeredie, in deeren alten Indio-Agända stoot,
ass am Ändi vo däm Joor d Wält schynts untergoot!
S chuttet, s huudlet, s duet wie lätz an öisem Himmelszält.
Und d Sunne bringt mit “Mega“-Stüürm s Ändi vo dr Wält!
 
As Fasnächtler, do frogsch di scho, wie isch denn das derno;
sötts denn au mit öisrer Fasnecht nümme wyter goo?
Söll das wäärli jetze die letschi Fasnecht syy?
Statt Chienbääse- e Höllefüür … und alles isch verbyy…
 
Do häi mir dänkt, das Thema wäär as Sujet gar nid schlächt.
Das globaalen Ultimaatum chunnt öis grad no rächt.
Wenn mir wäg’ dene Maya hüür die letschti Fasnecht schryybe,
häi mir gstudiert, was chönnte mir jetzt do emol no tryybe?
Nomol uf em Schreiholz löchle? Näi Sii, die Zytte sy verbyy.
Zue öisem 20schte do stönde mir as Guggen yy!
 
S isch jo efang au d Lieschtler Fasnecht e Mega-Guggefescht.
Bim gässle seelig d Fasnecht gniesse - das isch Schnee vo gescht.
Uf em Wasserturmplatz d Street-Parade mit de Disco-Wääge.
As Pfyffer- und as Drummlerclique bisch do voll dernääbe.
Vo Lieschtel über Oberdorf, vo Züüri bis Lozärn,
an dr letschte Hundsverlochete - s isch überall dr glychi Lärm.
An jeedem Egge stoot e Gugge, mänggisch zwäi bis drei.
Und chunnsch do mit em Piccolo, gits grad e Riise-Gschrei…
 
S het is am Cheerus scho mol äin vom Fäärnsee gfrogt;
dä het e Filmli wölle mache, nummen öppis het en ploggt:
“Looset mol Dir Lieschtlemer Rueche,
ich bi do am Pfyffer sueche … … … “
 
S Gfrees mit Farb aagstriche, käi Larven uffem Grind,
so macht me hütte Fasnecht, das wäiss bald jeedes Chind.
Ooni Seel und ooni Gäischt und ooni noochezdänke;
au wenn gar käi Sujet hesch, muesch dr s Hirni nid verränke.
Goosch as Waggis, Gloon, Pirat, villicht sogar as Troll,
s muess nid nöi sy oder luschtig - wichtig isch, findschs Goschdüm toll.
 
Au mir häi gmerkt, d Zyt blybt nid stoo, s blybt nüt eso wies isch.
Drum wüsche mir d Frau Fasnecht seelig - mit Guggeläärm undere Disch.
D Wält drääit sich wyter, s isch eso,
bis im Dezämber ämmel, und dernoo
gits e riisegroosse Chlapf, e gwaltige Paukeschlaag,
bläächigi Posuunedöön verkünden is dr jüngschti Daag!
Und s Sousaphon isch au derbyy und d Drumpeete stimmen yy
und denn…
 
… säit doch dä vo Däänike (dä hett scho chly e Schruube lugg):
“D Wält goot nid unter, dasch dumms Züüg - näi, d Götter chömme zrugg!”
Die Götter, mäint dr E. vo D., das syyge - s’ isch käi Chees -
woorhaftig und in Würkligkeit Touris “from outer space“.
Die chömme ’so all paar duusig Joor cho luege wies so goot,
wie d Laag isch do bi öis dehäi und öb d Wält no stoot.
Jee, was mäinsch, wenn die öis an dr Fasnecht würde bsueche,
die würde bi däm Hölle-(Gugge-)Läärm schnuurstracks wiider s wyti sueche!
 
Mir wüsse nid, wie s uusechunnt, gheit d Wält us allne Fuege?
Die äinte sääge joo, dänk scho! Die andere: Mir wäi luege.
Sicher isch halt nummen äis: ass gar nüt sicher isch.
Sicher ischs au als no nid, ass hüür die letschti Fasnecht isch.
Es chönnt e Katastrooffe choo - oder ebe nit…
Und wär wäiss, villicht, villicht - gseeij’ mir öis wiider do, ihr Lüt.
12045.jpg
zischtig_zuegli_seiten021006.gif
zischtig_zuegli_seiten021005.jpg
zischtig_zuegli_seiten021004.gif
zischtig_zuegli_seiten021003.gif
zischtig_zuegli_seiten021002.jpg
zischtig_zuegli_seiten021001.jpg