zischtig_zuegli_seiten018014.gif
zischtig_zuegli_seiten018013.gif
zischtig_zuegli_seiten018012.gif
zischtig_zuegli_seiten018011.gif
zischtig_zuegli_seiten018010.jpg
zischtig_zuegli_seiten018009.jpg
zischtig_zuegli_seiten018008.jpg
Fasnecht 2011
zischtig_zuegli_seiten018007.jpg
Föteli
zischtig_zuegli_seiten018006.jpg
zischtig_zuegli_seiten018005.jpg
zrugg
uufe
zischtig_zuegli_seiten018004.gif
Mir schloofe nomol drüüber
 
Büssli…Büssli…Büssli…Büssli…
Büssli…Büssli…Büssli…Büssli…
Büssli…Büssli…Büssli…Büssli…
Büssli faare isch käi Gnüssli.
 
Es blocht in öisem Ländli mänggs Büssli ummenand;
die Büssli faare nocheme Plan, das isch jo bekannt.
Si faare hii, si faare här, über Strooss und Brugg,
und nomol hii und wiider här - und mänggisch sogar zrugg…
 
Dr 70er faart am Aescheplatz, dä wett uf ‘eigedswyl.
Und das isch, me wetts chuum glaube, gar käi äifachs Zyyl.
Bis Fränkedorf goot alles guet, aber denn wird’s schwer,
s chunnt drum afangs Lieschtel gly dä Mega-Chräisvercheer.
Do hesch all Daag e nöiji Route und numme no äi Wunsch:
Ass de dört, wo d aane wetsch - au würklig uusechunnsch.
Und hesch dr Wääg an Bahnhof gfunde , no chunnsch erscht rächt ins stuune,
s vercheert do jeede wien er wett, grad noh Luscht und Luune.
E Bus vo rächts, e Bus vo links und vor dr Poscht äi Buff
will alli dört parkiere wäi, do wird e mängge muff.
Mit em greeglete Vercheer nimmts do chuum äin gnau,
Öb “Tempo 20” oder nid - s intressiert käi Sau.
Und die wo do käi Parkplatz finde, faaren e Rank wyter,
aber uf dr Poschtstrooss obe wirds denn erscht rächt schyter.
Schluss- und ändlig het denn au die Aktion nüt genützt,
ass me gschnäll, bi Nacht und Näbel, d Bäumli zrugg versetzt.
Do moschte d Büs sich anenand verby, do goots hart uf hart,
und sicher chunnt no sone Sürmel, wo no zwüschenyyne faart.
S hätt jo äigedlig en Ampele, wo zeigt, wenns wyter goot,
numme machts e chly dr Schyn, ass die dört vergäbigs stoot.
Näi, dä Geege-Bus-Vercheer isch nid s würklig woore,
und die wo süscht no ummefurze, häi eh dört nüt verloore.
Dur d Roose söll dr ganz Vercheer, s hets zwor niemer wölle -
aber d Mäinig vo de Awooner duet jo do nid zelle!
Vorfaart hesch bim Schwümmbi jetz, wenns um en Egge goot,
bis alli das begriffe häi, isch es mäischtens z spoot…
Wenns chlöpft und dätscht an jedem Egge, vom Schwümmbi bis zur Poscht,
isch das wägem Lieschtlemer Vercheersyschteem, bigoscht.
Vercheerspolitisch gäbs do z Lieschtel scho no mee zum due.
Öb Poschtstrooss oder Hammerstrooss, dr Vercheer nimmt zue!
 
Dr Wasserturmplatz, jessesnäi Sii, macht emänd e Falle.
Die Hochglanz-Beton-Promenaade will is nid so gfalle.
De Lieschtlemer isch das Projäkt vo aafang aa nid ghüür.
D Bouherrschaft duet das nid stööre; Hauptsach, s isch modärn und düür.
Als Begeegniszone plaant, chunnts dr eender vor,
s isch immer no dr glychi Parkplatz wie vor Daag und Joor;
mit Bluemehääfe “gstylt”, mit Betonchlötz garniert,
mit e huuffe Teer saniert und modärnisiert.
Und bim Hinderniss-Parkuur um d Bluemechüübel umme
sy doch wiider äinisch mee d Fuessgänger die Dumme.
Wöttsch in deer Begeegniszone d Strooss churz überquere,
no muesch, dört isch e Zebrasträiffe, bim Ängel unde cheere.
Chunnsch jo süscht nid über d Stroos, s het vill z vill Vercheer,
Das macht in dr Begeegniszone d Begeegnig zimmlig schwer.
“Begeegniszone” muesch woorschynlig diisewääg verstoo:
Wenn d nid acht gisch, chönntisch gschnäll emol under d Reeder choo!
 
D Stadt Lieschtel git sich alli Müe, ass mir do guet chöi lääbe,
Numme - wies im Lääben isch - s goot so mänggs dernääbe.
Dr Stadtroot dräumt vom nöije Stedtli, vo Büssli und vo Bäum.
Gseet e Poschtstrooss wien en Autibaan in syne Dräum.
S isch jo, wie mir alli wüsse, nur e chlyses Dräumli gsii.
In Würklichkäit gseets anderscht uus, das Dräumli isch dehii.
Dr Wasserturmplatz isch scho jetz für d Bluemedöpf bekannt.
Dr äinzig, wo do Fröid dra het isch dr Alphorn-Musikant…
Jä, d Zyten ändere sich, es ziet dr Fortschritt yy.
Steryl und grau, jo, halt modärn sött alles sy.
Die äinte sy derfüür, die andere derwiider.
Mir wüsses au nid rächt - mir schloofe nomol drüüber.
 
“Tempo 20” isch für öis äinewääg viiiiill z gschnäll -
mir gässlen als mit “Tempo 2”, dasch doch gmüetlig, gäll?
 
zischtig_zuegli_seiten018003.gif
zischtig_zuegli_seiten018001.jpg
2011_link_lampe.jpg